Залудно е Њукасл најбогатиот клуб во светот.
Њукасл Јунајтед неодамна доби нов сопственик – инвестициски фонд од Саудиска Арабија на чело со престолонаследникот Мохамед Бин Салман и се мислеше дека преку ноќ ќе направи „тим од соништата“, но во пракса тоа не се случува.
Со доаѓањето во овој клуб се поврзуваа многу фудбалери, меѓу кои и некои ѕвезди како Мбапе, Дембеле, Влаховиќ, Кутињо и други, но на крајот успеаја да ги доведат само Трипиер од Атлетико Мадрид и Вуд од Барнли.
Многу фудбалери ги одбија парите на Њукасл оваа зима затоа што едноставно не сакаат да се борат за опстанок, туку да играат на високо ниво со своите тимови.
Фудбал Италија издвои три ѕвезди од Серија А кои ги одбија страчките, а прв меѓу нив е одличниот фудбалер на Интер, Марсело Брозовиќ.
Неговиот договор со италијанскиот шампион истекува на крајот од сезоната, а тој треба да го продолжи до 2026 година, а според него треба да заработи шест и пол милиони евра. Наводно, Њукасл му понудил многу подобри услови, дури осум милиони евра, но тој ги одбил бидејќи сака да освои нова италијанска титула со Интер и да игра во Лигата на шампионите.
Арон Ремзи е вишок во Јувентус, но тој го одбил и Њукасл поради страв да не испадне од лигата, а се вели дека ги одбил и понудите на Волвс и Барнли.
Пристигнување на „Сент Џејмс Парк“ го одби и одличниот напаѓач од Торино, Андреа Белоти, кој повеќе би сакал да се приклучи на клуб кој игра европски натпреварувања и се поврзува со Милан.
По 20 одиграни натпревари, Њукасл е на 19. место во Премиер лигата со 12 бода, два помалку од Ватфорд, кој е прв над опасната зона.
