Француските медиуми синоќа објавија дека постои се поголема можност Килијан Мбапе да го напушти ПСЖ до крајот на летниот преоден рок.
Мбапе повторно ја отфрли понудата на ПСЖ за продолжување на договорот, кој истекува следното лето, а челниците на францускиот клуб сакаат да ја избегнат можноста следното лето да го напушти клубот без надомест.
ПСЖ во неколку наврати му понуди нов договор на Мбапе, но тој одби и јасно е дека има желба да се обиде во друг клуб.
Францускиот напаѓач најмногу се поврзува со трансферот во Реал Мадрид и, како што пишува Ле Паризиен, челниците на ПСЖ не ја исклучуваат можноста да го продадат Мбапе на крајот од летниот преоден рок доколку дојде вистинската понуда за него.
Веќе се шпекулира дека Реал Мадрид подготвува понуда за напаѓачот на ПСЖ, а се очекува таа да изнесува околу 150 милиони евра.
Исто така, ПСЖ работи да донесе замена за Мбапе доколку тој навистина го напушти клубот. На списокот со желби има неколку играчи, но се чини јасно кој ќе биде првата мета.
Имено, француските медиуми утрово објавија дека ПСЖ ќе се обиде да го донесе Ричарлисон од Евертон во случај на продажба на Мбапе, и тие се подготвени да издвојат околу 65 милиони евра за него.
🚨 PSG would consider the signing of Richarlison in the event they sell Kylian Mbappé this month.
(Source: RMC Sport) pic.twitter.com/tu0VWt6Dgt
— Transfer News Live (@DeadlineDayLive) August 23, 2021
Ричарлисон играше многу добро во Евертон во претходните сезони и јасно е дека клубот од Гудисон тешко би ја одбил таквата понуда за Бразилецот.
24-годишниот напаѓач има договор до летото 2024 година, а во Евертон дојде пред три години од Ватфорд за 40 милиони евра.
