Германскиот фудбалер Јулијан Дракслер се одлучи за својата иднина.
Договорот на Дракслер истекува на лето и се чини дека тој одлучи да го напушти Париз, но својата одлука ќе ја соопшти откако ќе ја заврши сезоната во Лигата на шампионите со клубот.
27-годишниот разноврсен играч за врска во ПСЖ дојде од Волфсбург на почетокот на 2017 година, претходно со години беше доста успешен во дресот на Шалке.
Сега кога неговиот договор истекува, тој е подготвен да најде нов тим. Се вели дека тоа би можел да биде Баерн, кој нема да има ништо против неговиот ангажман, со оглед на тоа дека тој ќе пристигнеше без никакво обештетување.
Дракслер оваа сезона одигра 28 натпревари во сите натпреварувања и постигна четири гола со шест асистенции.
Факт е дека му беа дадени доволно минути за игра, а не е познато дали напуштањето на ПСЖ е единствено негова одлука или тие не сакаат повеќе да соработуваат со Германецот.
