Легендата на Барселона – Жерар Пике, објави дека наскоро ќе сподели ексклузивна вест. Тој веќе го направи големото откритие со најавената одлука дека ќе стане тренер.
„Ова е нова година и по внимателно размислување решив да му се вратам на фудбалот. Многу ми недостига. Овој пат нема да биде како играч. Ќе биде како тренер. Повеќе детали ќе споделам на крајот на неделата“, напиша Шпанецот на една од социјалните мрежи.
Коментарот на ветеранот беше прочитан речиси половина милион пати во рок од половина час. Од 01.01.2023 година, тој го раскина договорот со Барселона и го заврши професионалниот фудбал како играч.
Светскиот шампион од 2010 година играше само за три професионални клубови во текот на годините – Манчестер Јунајтед, Сарагоса и Барселона. Најголем придонес за Каталонците даде со своите 616 натпревари, на кои постигна 53 гола и 13 асистенции.
