Тешката и долга сезона за Барселона конечно заврши, но време за одмор на „Камп Ноу“ нема да има.
За челниците на каталонскиот клуб вистинската работа доаѓа дури сега, бидејќи ги очекуваат големи промени кога се во прашање играчите.
Доколку Барселона сака подобри резултати во новата сезона, јасно е дека работите мора да се променат, и дека тимот има речиси десетина играчи кои сакаат што поскоро да gi продадат и да направат простор за нови засилувања.
Финансиите се проблем и за Барса бидејќи е јасно дека ситуацијата не е баш добра, и дека можеби ќе треба да продадат еден првотимец за да направат простор за регистрација на нови играчи.
Со Барса веќе се поврзуваат неколку играчи, а целта е повеќето да се доведат без обештетување. Немаат многу пари и се чини дека се резервирани за доведување на Роберт Левандовски и Рафиња.
Што се однесува до играчите кои доаѓаат без обештетување и наводно веќе договориле се со Барселона се Маркос Алонсо, Цезар Аспиликуета, Андреас Кристенсен и Франк Кесие.
Чави во тој случај би имал на располагање одличен тим, иако најверојатно ќе останат без Усман Дембеле и Френки де Јонг.
Можен состав на Барса за новата сезона: Тер Штеген, Аспиликуета, Араухо, Кристенсен (Пике), Алонсо (Жорди Алба), Бускетс, Кесие (Гави), Педри, Рафиња (Депај), Левандовски (Обамејанг), Ансу Фати.
Секако дека целта на Барселона е јасна, а тоа е што поскоро враќање на старите патеки на славата. Каталонците ја имаа една од најлошите сезони во последните 20 години и пред нив е огромна работа, а како ќе изгледа новата сезона најмногу зависи од тимот со кој ќе располага Чави.
Реал Мадрид и оваа сезона им зададе огромен удар на Каталонците, а дали Барселона ќе има сила и способност да одговори следната сезона, останува да видиме.
