Норвешкиот тренер Стале Солбакен потврди дека Ерлинг Халанд има нов број.
Александер Сорлот во последните години ја носи „деветката“ на грб во дресот на норвешката репрезентација, но ќе избере друг број, оставајќи ја својата моментално најголема ѕвезда на скандинавската репрезентација Ерлинг Халанд.
„Причината за тоа е големата желба и голем комерцијален удел во тоа. Ерлинг има девет, а Сорлот ќе додаде единица напред и сега ќе го носи бројот 19. Нема ништо против тоа“, изјави норвешкиот тренер.
Норвешкиот фудбалски сојуз заклучи дека Ерлинг е одличен бренд и дека така ќе биде и во иднина и дека како таков треба да носи популарна бројка.
Запрашан дали тоа е идеја на Норвешката фудбалска асоцијација или идеи на Ерлинг, норвешкиот тренер рече: „Не го знам тоа, претпоставувам дека желбата е обострана и не се сомневам дека зад тоа стои голем комерцијален фактор”
Халанд и претходно играше со бројот 23 во репрезентацијата, но деветката не му е туѓа, бидејќи веќе ја носи во Борусија Дортмунд.
Фудбалскиот стручњак за ТВ 2, Јеспер Матисен, смета дека е сосема разбирливо што Ерлинг Халанд го добива бројот девет во националниот тим.
“Ерлинг мора да го има бројот што го сака. Мислам дека и Сорлот го разбира тоа. На сите им е јасно и видливо дека Ерлинг е најголемата ѕвезда на националниот тим и дека неговиот стил едноставно најмногу одговара на тој стил”.
21-годишниот напаѓач дебитираше за Норвешка во септември 2019 година и за првиот тим има учинок од 12 гола на 15 натпревари, но најдоброто допрва доаѓа. Години претходно играше за младинските репрезентации на Норвешка, иако е роден во Лидс, каде што живееше неговиот татко, исто така познат фудбалер Алф-Инге.
Во меѓувреме секојдневно продолжуваат гласините за кариерата на Халанд, кој на лето би требало да ја напушти Борусија Дортмунд, а моментално со неговото име најмногу се поврзуваат Реал Мадрид, Барселона и Манчестер Сити.
