Баерн во Минхен го совлада Баер Леверкузен со 4:0 во првиот натпревар од 8.коло на германската Бундес лига.
Баварците во овој меч влегоа со многу лоша серија од четири натпревари без победа, но оваа сезона многу лошиот Леверкузен не можеше да направи ново изненадување.
Избраниците на Џулијан Наглесман овој натпревар го завршија веќе во првото полувреме, кога на натпреварот беа постигнати три од четирите гола.
Баерн поведе уште во 3. минута. Лерој Сане удира во додавањето на Џамал Мусиала за водство од 1-0.
Токму Мусиала во 17. минута од натпреварот по вторпат ја затресе мрежата. Го искористи додавањето на Мулер и погоди за 2:0.
Младиот германски репрезентативец беше во акција и за третиот гол. Во 39. минута му асистираше на Садио Мане, а Сенегалецот постигна гол за 3:0.
Со овој резултат заминаа на одмор, а во самиот финиш на натпреварот беше постигнат уште еден гол.
Томас Мулер го заврши овој натпревар. Тој во 84. минута од овој дуел погоди за конечни 4:0 по големата грешка на гостинскиот голман Лукас Храдецки.
No es el día de Hradecky 🙃 https://t.co/pJut1mPZoT
— En el VAR (@EnElVar) September 30, 2022
Со оваа победа Баерн барем за момент стигна до втората позиција на табелата. Баварците освоија за нив скромни 15 бода од можни 24 во досегашниот дел од сезоната.
Од друга страна, Леверкузен има многу лош почеток на сезоната. Ова им е веќе петти пораз и во осум натпревари имаат само пет освоени бода.
