Меѓународната фудбалска федерација (ФИФА) размислува за воведување на трет преоден рок заради коронавирусот кој ги прекина буквално сите фудбалски натпреварувања.
Директорот на ФИФА за фудбалска регулатива Џејмс Китчинг ја спомна оваа можност во интервју за германската телевизија „АРД“.
„Може да се случи трет преоден рок доколку сегашниот систем на два преодни периоди од вкупно 16 недели не биде продолжен“, рече Китчинг.
Тековните преодни периоди не можат да надминат 12 недели помеѓу сезоните и четири недели во средината на сезоната.
„Роковите за трансфер ќе бидат флексибилни и ќе овозможи поместување, така што трансферите ќе бидат можни помеѓу крајот на старата сезона и почетокот на новата сезона“, рече Китчинг.
Поради невидените промени што ги предизвика епидемијата COVID-19 на сите нивоа на фудбал, пред неколку дена, ФИФА објави серија упатства и препораки за практичните прашања што се појавија како резултат на пандемијата, особено во врска со договорите за играчи и системите за префрлување на играчи. пред неколку дена
ФИФА препорача „договорите за играчи да бидат продолжени до вистинскиот крај на натпреварувачката година, што треба да се совпадне со оригиналните намери на страните кога е склучен договорот и дека треба да се одржи спортскиот интегритет и стабилност“.
Кога станува збор за роковите, новите околности бараат измени во вообичаените правила. Затоа, ФИФА ќе биде прилагодлива и ќе овозможи роковите погодени од епидемијата да се префрлат помеѓу крајот на тековната и почетокот на следната натпреварувачка година.
