Српскиот напаѓач Лука Јовиќ летово ќе го напушти Реал Мадрид и како што стојат работите кариерата ќе ја продолжи во Фиорентина.
Јовиќ пред неколку години пристигна како звучно засилување во Реал Мадрид од Франкфурт, а кралскиот клуб за него одвои дури 60 милиони евра.
Сепак, српскиот напаѓач не успеа да ги оправда очекувањата на „Сантијаго Бернабеу“ и навистина не може да се пофали со некои добри игри во дресот на европскиот шампион.
Карло Анчелоти на крајот од сезоната му порача на Јовиќ дека за него е најдобро да најде нов клуб бидејќи е јасно дека не е во прв план на италијанскиот стручњак.
Веќе неколку недели се шпекулира дека Јовиќ кариерата ќе ја продолжи во Фиорентина, а како што стојат работите наскоро се очекува и официјална потврда откако клубовите ќе се договорат.
Џанлука Ди Марцио најави дека Фиорентина завршила фантастична работа и дека ќе го добие Јовиќ речиси бесплатно. Првично требаше да биде едногодишна позајмица, но Фиорентина успеа да направи промена во тој договор.
#Calciomercato #SerieA | @acffiorentina, Luka #Jovic a titolo definitivo dal @realmadrid https://t.co/W3e1trz1Wg
— Gianluca Di Marzio (@DiMarzio) July 4, 2022
Наводно, Јовиќ ќе замине во Фиорентина на двегодишна позајмица и Реал ќе му ја исплати речиси целата плата. По истекот на позајмицата тој нема да се врати во Мадрид бидејќи ќе биде слободен играч и Фиорентина ќе има можност со него да потпише двегодишен договор според кој ќе инкасира 10 милиони евра.
Реал Мадрид се согласи на ваква понуда, но под услов да добие 50% отштета од следниот трансфер на Јовиќ и во Фиренца дал зелено светло за таков предлог.
Јовиќ за Реал Мадрид одигра 47 натпревари и постигна само три гола. Тој пристигна во клубот летото 2019 година.
