Реал Мадрид стигна до 19 трофеи во последните девет години.
Во Суперкупот на Европа, Реал со рутински 2:0 и без поголеми проблеми го совлада Ајнтрахт од Франкфурт и стигна до својот петти трофеј во ова натпреварување.
Еден од стрелците беше Карим Бензема, кој стигна до бројката од 324 гола во дресот на Лос Бланкос, со што стана вториот најдобар стрелец во историјата на најгламурозниот клуб на денешницата.
При секое освојување на трофејот, првиот човек на Реал, Флорентино Перез им се обраќа на медиумите и дава интересни изјави.
Може да се каже дека оваа година е многу добра за нас и никој не може да биде незадоволен, но мораме да продолжиме да работиме, секој ден работиме за иднината“, изјави Перез, што е јасен знак дека Реал нема намера да запирање.
„Анчелоти добро го води тимот, момците треба да продолжат да тренираат и да играат бидејќи повеќе нема да носиме нови играчи“.
Потоа следеше коментар за Бензема, за кој рече дека веќе ја освоил Златната топка за оваа година.
„Бензема лани ја заслужи Златната топка, а за оваа година никој не спори дека ќе ја освои…“
Контроверзниот, но многу успешен менаџер потоа ги коментираше случувањата во најголемиот ривал Барселона.
Барса… Има сезони кога сите сме добри или лоши, но Барселона е една од најважните институции во светот заедно со Мадрид и треба да се врати она што е“, изјави Перез.
