На четири кола пред крајот на сезоната и по 26 одиграни натпревари и 26 победи, фудбалерките на Барселона во неделата ја потврдија освојувањето на четвртата титула шпански првак.
И тоа на навистина спектакуларен начин.
На 26 натпревари, еден помалку од останатите одиграни, Барселона забележа 26 победи.
Ja la tenim🏆 pic.twitter.com/yScoqv4pDj
— FC Barcelona Femení (@FCBfemeni) April 30, 2023
И има гол разлика +103! Барселона во досегашниот тек на сезоната прими само пет гола.
Девојките од Ноу Камп се во игра и во Лигата на шампионите откако во полуфиналето го исфрлија Челзи и сега го чекаат расплетот на дуелот помеѓу Арсенал и Волфсбург. На првиот меч беше 2:2, а за реваншот кој се игра во понеделник Емирати беше целосно распродаден.
T'hem trobat a faltar, CAPITANA 💙❤️@alexiaputellas pic.twitter.com/XhdWb6Coy2
— FC Barcelona Femení (@FCBfemeni) April 30, 2023
Она што може да ги израдува сите во Барселона е фактот што во полуфиналето на Лигата на шампионите, токму кога е најважно, конечно по речиси една година во тимот се врати најдобрата светска фудбалерка Алесија Путаљас.
Барселона ја отвори сезоната со освојување на шпанскиот Суперкуп, а единственото натпреварување во кое нема да се бори за титулата оваа сезона е Копа дел Реј.
