Фулам го совлада Лидс со 2:1 во натпреварот од 32.коло на Премиер лигата. Сите три гола дојдоа во вториот дел.
Во првиот дел од играта Фулам беше поагресивен, но немаше шанси на двете страни.
Затоа беше многу поинтересно во продолжението. Домаќините поведоа во 58. минута. Хари Вилсон даде се од себе во шеснаесетникот на Лидс и од 11 метри ја заби одбиената топка во мрежата.
Предноста ја удвои Андреас Переира. Тој одлично ја придружуваше акцијата на својот тим и погоди од непосредна близина за големи 2:0.
Ветеранот Патрик Бамфорд, кој наместо Родриго влезе во игра за Лидс, во 80. минута намали на 2:1 и им даде надеж на гостите дека можат да дојдат до бод.
До крајот на натпреварот, Вилијан ја имаше најдобрата шанса за Фулам, чиј одличен удар заврши на гредата. За Фулам и на овој меч не настапи Александар Митровиќ кој одлежува суспензија од осум натпревари.
Со овој триумф Фулам се консолидираше на средината на табелата, додека Лидс се уште е во опасната зона со 29 бода, два повеќе од Нотингем кој моментно е на 18. позиција која води во Чемпионшип.
