Тешко дека Џенаро Гатузо ќе седне на клупата на Наполи следната сезона. Ова може да се заклучи по извештаите од утрово во италијанските медиуми.
Иако јавно ќе признае дека е целосно фокусиран на завршување на сезоната со Наполи, Гатузо се подготвува да ја преземе Фиорентина.
Во изминатите неколку дена разговорите се интензивираа и останува да се договорат уште некои детали, поради што се чека доаѓањето на шефот на Виолетовите, Рока Комеса, во Италија.
Поранешниот фудбалер на Милан ќе потпише двегодишен договор со опција за продолжување на уште една сезона. Неговата плата ќе биде два милиони евра по сезона.
Инаку, тренерскиот договор на Гатузо со Наполи истекува на крајот на сезоната, а бидејќи тој сè уште не добил понуда од Аурелио Де Лаурентис, тој реши да ја побара среќата во друг клуб.
Тој сака да ја заврши сезоната со тимот од југот на Италија на најдобар можен начин, и доколку е можно да избори пласман во Лигата на шампионите, по што се очекува да започне неговата авантура во Фиорентина, која игра многу лошо оваа сезона.
Иако има 43 години, Гатузо се занимава со тренерски бизнис скоро десет години. Претходно го водеше Палермо, а извесно време работеше и во Грција. Тој беше и тренер на Милан, со кого се здоби со најголема слава во текот на својата кариера.
