Германскиот лекар Јенс Клајнфелд зборува за трогателниот момент кога Кристијан Ериксен повторно ги отвори очите и зборуваше по шокантниот и скоро трагичен момент за време на натпреварот Данска – Финска.
Кога Кристијан Ериксен доживеа срцев удар на Европското првенство против Финска во саботата, медицинскиот персонал на стадионот постапи експресно. Покрај тоа, на Ериксен многу му помогнаа и Симон Кјаер и други соиграчи.
Клајнфелд беше меѓу првите што му пријдоа на Ериксен во спасувачката операција и сега раскажа како изгледаше.
“Околу 30 секунди подоцна тој ги отвори очите и јас можев директно да разговарам со него. Тоа беше трогателен момент. Во такви итни медицински интервенции во секојдневниот живот, шансата за успех е далеку помала”, признава Клајнфелд.
„Кога Ериксен ги отвори очите, рече: ‘Проклетство, имам само 29 години.’ Веднаш знаев дека срцето на Ериксен не е оштетено ’, раскажува германскиот лекар.
Денеска во 18:00 часот Данска ќе одигра уште еден натпревар на Европското првенство против Белгија без Кристијан Ериксен.
