Искусниот италијански дефанзивец Џорџо Киелини ќе го напушти Јувентус на крајот од оваа сезона.
Киелини во Јувентус пристигна во 2005 година од Фиорентина и веќе 17 години е член на овој клуб. Сепак, Киелини најави дека летово ќе ја напушти Старата дама иако има договор на уште една година.
37-годишниот минатото лето го продолжи договорот до летото 2023 година, но во разговор со челниците на Јувентус одлучи дека е најдобро да го напушти клубот од Торино на крајот од оваа сезона.
Киелини е свесен дека е на залезот на кариерата и дека веќе не е во формата каква што беше, па е решен да му го препушти местото на помлад играч.
Иако се шпекулираше дека би можел да ја заврши кариерата, сега е јасно дека тоа нема да се случи. Киелини ќе игра барем уште една сезона, а медиумите на Апенините наведуваат дека од лето ќе играат во САД.
Киелини веќе договорил се со Лос Анџелес и кариерата ќе ја продолжи во дресот на овој американски клуб. Наводно договорот ќе биде потпишан следната недела кога ќе биде официјализирано неговото заминување во ЛАФЦ.
#Chiellini–#LAFC ai dettagli, si chiude la prossima settimana // Chiellini is one step away from joining LAFC: the agreement will be finalised next week ✈️🇺🇸 @GoalItalia @goal
— Romeo Agresti (@romeoagresti) May 21, 2022
Овој дефанзивец одигра дури 560 натпревари за Јувентус и цели 17 години беше член на тимот кој доминираше на Апенините.
