Актуелниот Шампион, Голден Стејт со најубедлив триумф на вечерта во НБА. Втората екипа во Западната конференција (биланс 14 победи – 5 порази) го совлада Чикаго, фенерџија на Истокот и најслаб тим во лигата во оваа сезона (три победи – 14 порази), со дури 49 поени разлика (143:94).
Свое шоу во мечот имаш Стеф Кари. Шутерот на вориорси само во вториот период постигна 26 коша од 45 колку што запиша целата екипа, а на крајот заврши со 33 поени кон кои додаде седум скока, четири асистенции и две украдени топки. Одлична партија и на Клеј Томпсон кој уфрли 29 поени против булси.
