Германскиот гигант Баерн Минхен минува низ голема криза откако беше отпуштен Јулијан Нагелсман, а за тренер беше назначен Томас Тухел.
Баварците со Нагелсман на кормилото беа во игра за сите три трофеи сезонава, потоа дојде Тухел и отпадна од Лигата на шампионите и Купот на Германија, а Баерн падна на второто место во Бундес лигата со бод помалку од најголемиот ривал. Борусија Дортмунд на пет кола пред крајот на првенството.
Раководството одлучи Тухел да остане тренер и да не ја освои шампионската титула, но Баерн следното лето ќе тргне во голема реконструкција.
Според двајца добро упатени новинари за случувањата во Баерн, Кристијан Фалк од „Билд“ и Флоријан Платенберг од „Скај“, во Минхен има „чистка“.
Поради лошите резултати, првиот кој ќе замине е извршниот директор и легенда на клубот Оливер Кан, кој треба да биде разрешен од должноста на седницата на Надзорниот одбор на 22 мај.
Што се однесува до играчите, најголемото засилување за оваа сезона Садио Мане, кој на големо пристигна од Ливерпул, треба да го напушти Минхен, бидејки на „Алијанц Арена“ не покажа речиси ништо. До него на излезната врата е офанзивецот Серж Гнабри, како и „симболот“ на Баерн Томас Милер, кој ја игра една од најслабите сезони во кариерата.
Интересно, покрај тренерот Тухел, се очекува да остане и спортскиот директор Хасан Салихамиџиќ, кој се очекува да најде и донесе вистински напаѓач за Баерн. Прв пик е Виктор Осимен од Наполи, за кого Баварците се подготвени да платат дури 100.000.000 евра.
