Во Антверпен, истоимената домашна екипа и Ајнтрахт Франкфурт одиграа натпревар од групната фаза на Лига Европа, а Германците славеа со 1:0.
За време на натпреварот, германскиот голман Кевин Трап доживеа непријатност. Навивачите на домашниот тим го нападнаа со петарди, а едната експлодираше под неговите нозе. Тогаш Трап падна на тревникот.
Целата ситуација изгледаше крајно опасно. Медицинските служби брзо притрчаа кон повредениот голман и го проценија неговото здравје. По неколку минути, голманот изненадувачки брзо закрепна. Трап го продолжи натпреварот и остана на голот до крајот.
“За среќа, ништо не му се случи. Вакво нешто нема врска со фудбалот. Ако фрлите петарди врз други луѓе во трговскиот центар, ќе бидете приведени. Тоа нема место во нашето општество, без разлика каде се наоѓа или кој го прави тоа”, рече Оливер Гласнер, тренер на Ајнтрахт по натпреварот.
📸 ¡Un día con varios inconvenientes! En el partido entre Eintracht Frankfurt 🇩🇪 y Antwerp 🇧🇪, un petardo impactó muy cerca Kevin Trapp.
Por suerte, el arquero del equipo alemán no tuvo mayores inconvenientes y pudo completar el encuentro sin problemas. pic.twitter.com/o2tYgX0oeb
— Zona 10 (@ZonaDiez_OK) September 30, 2021
Ројал Антверпен се соочува со строги казни за скандалозното однесување на своите поддржувачи, што предизвика немири пред и по натпреварот, пренесуваат германските медиуми.
“Пред натпреварот имаше немири во близина на стадионот во Антверпен. Навивачите на Ајнтрахт нападнаа една од пабовите, а потоа се судрија со полицијата. Околу 100 луѓе беа привремено уапсени”, објави spox.com.
На трибините владееше напната атмосфера. По натпреварот, од безбедносни причини, играчите не дадоа интервјуа.
Durante Anversa-Eintracht Francoforte, i tifosi belgi hanno lanciato in campo un petardo che ha raggiunto l'area di Kevin #Trapp ed è esploso proprio dietro di lui.
Rimasto a terra qualche minuto stordito, fortunatamente è riuscito a rialzarsi e proseguire regolarmente la gara. pic.twitter.com/Yg0eiyWxTE
— Giorgio Dusi (@Gio_Dusi) September 30, 2021
https://twitter.com/i/status/1443847626621923331
