Рафаела Пимента се надева, како и сите други, дека работата наскоро ќе биде завршена.
Токму вчера како гром од ведро небо дојде веста за трансферот на Матијс де Лигт од Јувентус во Баерн. Старата дама ја прифати наводната понуда на Баварците од преку 80 милиони евра и Холанѓанецот по секоја веројатност ќе биде второто големо засилување на Баерн по Садио Мане ова лето.
Како што најави трансфер гуруто Фабрицио Романо, Де Лихт договорил се со Баерн и ќе потпише петгодишен договор и со тоа ќе ја засили бековската линија на германскиот шампион.
🚨 Rafaela Pimenta, Matthijs de Ligt’s agent in Turin today to complete the paperwork for his move to Bayern Munich.
(🎥 @romeoagresti) pic.twitter.com/4aXP0V8lOp
— Transfer News Live (@DeadlineDayLive) July 18, 2022
Веќе подолго време се водат преговори меѓу двата гиганти на светскиот фудбал. Торинскиот гигант одби неколку понуди кои беа пониски од очекуваното, но Хасан Салихамиџиќ беше категоричен да го доведе 22-годишниот Холанѓанец на „Алијанц Арена“.
Матијс де Лигт пристигна во Јувентус пред три години од Ајакс за 85 милиони евра. Во Торино не блескаше премногу, но главно беше стандарден член на првата постава. Вкупно, Де Лигт одигра 117 натпревари за Старата дама и постигна осум гола.
На неговиот трансфер работи Рафаела Пименто, која по смртта на познатиот агент Мина Раиола доби овластување да префрли многу големи играчи од агенцијата на Мина.
Рафаела денеска е видена во Торино каде наводно ја комплетира документацијата за финализирање на трансферот на Де Лигт во Баерн.
Бразилката е професорка по право, а со Раиола работела 18 години. Таа беше ретка личност на која Мино и дозволуваше да биде блиску до него при извршувањето на сите овие задачи. Летово таа беше одговорна за трансферот на Ерлинг Халнд во Манчестер Сити, а моментално е вклучена во кариерите на други играчи како Пол Погба, Златан Ибрахимовиќ, Нусаир Мазрауи и Рајан Гравенберч, кои интересно ги одведе во Баерн, како Де Лихт.
Ибрахимовиќ потпиша нов договор со Милан, додека Погба се врати во Јувентус.
