Шпанскиот тренер Пеп Гвардола во интервју за „Фудбал Днејл“ призна дека не е најдобриот тренер во светот.
Во последните години се поставуваат многу прашања за тоа дали Гвардиола е најдобриот тренер на светот, а самиот Шпанец вели дека тоа не е точно.
Тој признава дека нема да победува доколку немаше толку добри играчи во тимот како што има во моментов во Манчестер Сити.
„Што значи некој да е најдобар тренер? Никогаш не се чувствував како најдобар, дури и кога освоив шест титули во Барселона, или три титули минатата сезона во Сити. Победував затоа што имав неверојатни играчи во големите клубови. Има феноменални тренери, кои не се во големи клубови и немаат вакви играчи. Јас сум добар, но не сум најдобриот. Дај ми тим што не е како Сити и нема да победувам“, вели Пеп.
Поранешниот тренер на Барселона и Баерн Минхен е критикуван од многумина затоа што потроши многу пари во Баерн и Сити и никогаш не ги донесе до финалето во Лигата на шампионите.
Ова е причината зошто многумина го предизвикуваа последниве години, но тој јасно нема проблем да каже дека тој не е најдобриот на светот.
🗣Reporter: "You're the best coach in the world?"
🗣Pep: "I was. What is the best coach? I never felt like the best, give me a team that isn't like Manchester City and I'm not going to win" pic.twitter.com/HdEdF8PVUI
— Football Daily (@footballdaily) February 11, 2020
