Менаџерот на Манчестер Сити, Пеп Гвардиола денеска не сакаше да зборува за потенцијалното доаѓање на норвешкиот напаѓач Ерлинг Халанд на „Етихад“.
Агентот Мино Раиола денеска потврди дека Сити е еден од четирите клубови на кои големиот Норвежанец размислува за нова дестинација.
„Тој ќе го направи следниот чекор во кариерата“, изјави Раиола за германски Sport1 и продолжи:
„Баерн, Реал, Барселона и Манчестер Сити се меѓу клубовите каде тој може да оди. Сити освои повеќе титули од Манчестер Јунајтед во последните години“, рече Раиола, алудирајќи дека Јунајтед не е во игра за потписот на Халанд.
Англиските новинари веднаш го прашаа Гвардиола за зборовите на Халанд и Раиола, шпанскиот тренер се налути.
“Халанд? Следно прашање. Не ме прашувај такви работи бидејќи нема да ти одговорам”, кратко изјави Пеп Гвардиола.
Сигурно е интересно што таткото на Ерлинг, Алф-Инге Халанд играше за Сити во периодот од 2000 до 2003 година, кога мораше да ја заврши кариерата поради тешка повреда.
