Манчестер Сити оствари убедлива победа на гостувањето кај Лидс со 4:0, но тренерот Пеп Гвардиола истакна дека не било така лесно.
– Знаевме како игра Лидс и колку е опасно пред него. Не беше лесно, но по вториот гол имавме контрола и можевме да постигнеме повеќе голови. Сепак, оваа денешна победа е исклучително важна во напорите за одбрана на титулата – изјави Гвардиола .
Манчестер Сити ја задржа бодовната предност во однос на Ливерпул, а двата тима имаат уште четири натпревари.
