Фудбалскиот тренер на Манчестер Сити, Пеп Гвардиола изјави дека играчите на тој тим Кајл Вокер и Калвин Филипс треба да му бидат на располагање на селекторот на Англија за Светското првенство во Катар.
Селекторот на Англија, Герет Саутгејт следната недела ќе го објави списокот со играчи за Катар, а тешко дека дотогаш на теренот ќе се вратат Вокер и Филипс.
„Редовно разговараше со играчите и лекарите и тие знаат подобро од мене. Но, според она што го слушнам во соблекувалната, веројатно ќе бидат подготвени“, изјави Гвардиола.
Вокер минатиот месец имаше операција на препоните, додека Филипс имаше операција на рамото во септември. И двајцата одиграа важна улога во тоа Англија да стигне до финалето на минатогодишното Европско првенство.
Извесно е дека ниту дефанзивецот Вокер, ниту Филипс, кој игра во средниот ред, нема да го одиграат мечот од последното коло од групата Г во Лигата на шампионите во среда против Севиља.
Сити е домаќин на тој меч, а пласман во осминафиналето претходно обезбеди и тимот од Манчестер.
