Турскиот репрезентативец Хакан Чалханоглу сè уште не постигнал договор со Милан за продолжување на договорот.
Чалханоглу прерасна во клучен играч на „росонерите“ оваа сезона и клубот би сакал да го задржи по сезоната, но како што истекува неговиот договор, ситуацијата станува сè потешка.
Неговиот договор со Милан истекува во јуни, а бидејќи тој и неговиот агент инсистираат на финансиски далеку поповолен договор од досегашниот на сила, Милан се двоуми и нема намера да се откаже.
Доколку наскоро не се постигне договор, Хакан ќе има опција да потпише пред-договор со некои од клубовите што го сакаат, а наводно Атлетико Мадрид сега е еден од тие.
Покрај Атлетико, играчот за врска се поврзува со Јувентус, Интер и Манчестер Јунајтед, а медиумите на Апенините сепак веруваат дека Хакан е најблизу до останување во Милано.
