Ерлинг Халанд е најбараниот млад напаѓач на денешницата и личност која добро се рангира за да стане најдобар напаѓач во светот во иднина.
Халанд моментално настапува за Борусија која влегува во невозможна мисија да го задржи „фудбалскиот предатор“ кој го претставува Мино Раиола.
Раиола е можеби најдобриот менаџер на денешницата, но е и голем „предатор“ и се труди на секој трансфер да заработи што повеќе пари.
Нема дилема дека истото ќе го проба и со Халанд, поради што минатата недела имаше одредени преговори со некои од клубовите.
Според некои информации, заинтересираниот клуб ќе треба да издвои дури 300 милиони евра за вкупниот пакет во кој се вклучени висината на трансферот, платата и управната комисија.
Како што сега стојат работите, еден од најдобрите клубови на денешницата, Баерн, нема намера да го донесе Халанд. Ова може да се заклучи од изјавата на Карл-Ханц Румениге.
Румениге долги години е еден од раководните лица на Баерн, а на средината на годината му ја препушти функцијата на Оливер Кан, а добро знае како размислуваат во клубот од Минхен.
„Не сум сигурен дека стилот на Халанд може да се прилагоди на Баерн како оној на Левандовски. Тој е голем талент и одличен играч, но Левандовски може да игра уште две или три години на високо ниво и да постигнува многу голови“, рече Румениге.
Баерн во минатото редовно ги носеше најдобрите играчи на Борусија, па дури и самиот Левандовски, па оваа изјава на Румениге дефинитивно изненадува.
