Норвешка ризикува да игра без Ерлинг Халанд во двата квалификациски предизвици овој месец против Турција и Црна Гора, бидејќи sвездата на Борусија Дортмунд заработи повреда и тешко дека ќе може да се опорави навреме.
Норвешкиот тренер го вклучи напаѓачот во листата на регрутирани играчи, но медицинскиот персонал на репрезентативецот одржува постојан контакт со оние на Дортмунд, за да дознае за шансите за рехабилитација.
И ако во Норвешка се уште има трошка надеж Халанд да се опорави барем на еден од натпреварите, воопшто не изгледа оптимистички за тренерот на Дортмунд, Марко Роуз, кој рече дека напаѓачот смета дека е навистина невозможно да игра.
„Норвежаните можат да се надеваат, но јас сакам да ја покажам вистинската ситуација. Секој што го познава Ерлинг знае дека секогаш сака да игра, но пред натпреварот против Аугсбург ми рече дека не само што не може да трча, туку и не може да оди нормално. Не верувам дека ќе закрепне за најмалку две или три недели.“
