Напаѓачот на Манчестер Сити, Ерлинг Хaланд, во среда би требало да се врати на терените по речиси два месеци отсуство, најави тренерот на тој клуб, Пеп Гвардиола.
„Имаме цел тим на располагање. Ерлинг се врати. Два месеци се многу, но тој се чувствува добро“, изјави Гвардиола на прес-конференцијата пред натпреварот против Барнли во Премиер лигата.
Pep Guardiola confirms that Erling Haaland will be available for selection against Burnley ✅pic.twitter.com/JNJhPlL7Zq
— Sky Sports Premier League (@SkySportsPL) January 30, 2024
Халанд нема играно од 6 декември кога го повреди стапалото на натпреварот против Астон Вила. Норвешкиот напаѓач пред повредата постигна 14 гола на 15 првенствени натпревари.
Екипата на Манчестер Сити е втора на табелата во Премиер лигата со пет бода помалку од првопласираниот Ливерпул, но и со натпревар помалку.
