Интер и Јувентус викендов подарија уште едно спектакуларно Дерби на Италија, а овојпат победата ја однесе тимот на Кристијан Киву, кој во Милано славеше со резултат 3:2.
Сепак, величествената фудбалска претстава остана во сенка на одлуката на судијата Федерико Ла Пена, кој веројатно и го одреди текот на натпреварот кога во 42. минута го исклучи Пјер Калулу по искусниот пад на Алесандро Бастони по минимален контакт.
Веднаш по мечот, за малку ќе се случеше инцидент што се закануваше да прерасне дури и во физичка пресметка, кога генералниот директор на Јувентус, Дамиен Комоли, агресивно тргна кон судијата Ла Пена. Таму беше и тренерот на „бјанконерите“, Лучано Спалети, кој не присуствуваше на прес-конференцијата.
Spalletti, Comolli, and Chiellini confront the referee 🔥 pic.twitter.com/Zbdd5bX7hv
— Around Turin (@AroundTurin) February 14, 2026
Наместо него, пред новинарите застанаа Комоли и директорот на Јуве, Џорџо Киелини, кои побараа оставка од претседателот на судиската комисија на Серија А, Џанлука Роки, нарекувајќи го судењето „неприфатливо и срамно“.
Од друга страна, тренерот на Интер, Кристијан Киву, го пофали Јуве под водство на Спалети, но се осврна и на деталот околу контактот при исклучувањето.
„Имаше лесен контакт, но сепак беше контакт. Мојот играч го почувствува допирот, а трчаше со полна брзина. Калулу е искусен играч и треба да знае дека во такви ситуации рацете ги држиш до себе. Да имав жолт картон, не би ја ставал раката на противник, особено не во контранапад“, објасни Киву.
Тоа нема да ги убеди навивачите на Јувентус, кои сметаат дека судијата сепак донел погрешна одлука…
la situazione bastoni kalulu ma con la telecronaca di Mauro Suma pic.twitter.com/g4ztTJusSk
— Catapiolta (@catapiolta) February 14, 2026
