Во раните утрински часови во петокот, левиот бек на Тотенхем, Емерсон Ројал, доживеа обид за грабеж со размена на оган во градот Американа во Сао Паоло.
Играчот е на одмор во Бразил по завршувањето на сезоната во англискиот клуб. Тој сега доживеа трауматична ноќ, а неговиот агент Емерсон Зула соопшти детали за целосната ситуација.
„Откако го напуштил објектот во кој бил задржан, полицаец во цивилна облека кој го препознал побарал да се фотографира со него и му понудил да го однесе до автомобилот. Тогаш Ројал бил нападнат, под закана со пиштол, каде крадецот барал часовник и други лични предмети“, рече Зула, додавајќи:
“Кога крадецот забележа полицаец во цивил, почна голема пукање, почнавме да бегаме, а изгледа дека Ројал ме повлече да ми помогне. Не се сеќавам добро, се се случи многу брзо, а адреналинот беше многу висок”.
За среќа, Емерсон не е повреден, а криминалецот бил застрелан во грбот во престрелка и завршил во болница и сега ќе се соочи со законот. Според очевидци, испукани се најмалку 20 куршуми.
Емерсон има настапувано за Понте Прета и Атлетико МГ во Бразил, а во Европа за Бетис, Барселона и моментално настапува за Тотенхем. Тој го имаше своето деби за Бразил во 2019 година и одигра шест натпревари.
