Коморските Острови се елиминирани во осминафиналето на Африканскиот куп на нации од селекцијата на Камерун.
Конечниот резултат беше 2:1 за Камерунците во меч во кој момците од Коморос имаа многу проблеми.
Натпреварот го започнаа без голман бидејќи еден од тројцата голмани беше повреден, а другите двајца беа позитивни на коронавирус. Имаше се, но на крајот одлуката на Африканската фудбалска федерација беше Коморските да мора да играат без голман.
Во таа ситуација левиот бек Чакер Аладхур стапна на голот и имаше неколку одлични интервенции.
Сепак, една ситуација остана запаметена.
За време на нападот на Камерун, Алхадхур се стави пред камерунскиот напаѓач, но ги држеше рацете зад грб.
Секако во оваа ситуација тоа беше рефлекс бидејќи Алхадур како дефанзивец често ги држи рацете зад грб при централните удари на противникот за да нема играње со рака.
On Cameroon's second goal, Chaker Alhadhur, who is a defender by trade, forgot he was a goalkeeper and put his hands behind his back. 😄❤️🇰🇲 pic.twitter.com/TN3pb1b9NT
— Football Tweet ⚽ (@Footballtweet) January 25, 2022
Оваа сцена секако наиде на многу позитивни коментари, а Алхадура веќе е прогласен за херој на овогодинешното издание на Африканскиот куп на нации.
