Претседателот на Хетафе за шпанските медиуми изјави дека ќе ја разгледа можноста Герет Бејл да ја продолжи кариерата во тој клуб.
Претседателот на Хетафе, Анхел Торес Санчез откри дека има контакт со славниот Велшанец.
„Само што разговаравме со агентот на Бејл. Ни беше понудено да го вработиме. Ќе ја проучуваме можноста за овој договор“, изјави Санчез, а пренесува добро информираниот новинар Фабрицио Романо.
Агентот на Бејл потврди дека очигледно се работи за лажна покана или самопромоција:
„Па, јас го немам ни телефонскиот број на претседателот на Хетафе“, се насмеа Џошуа Барнет.
Претходните денови британските медиуми објавија дека за 32-годишниот Бејл се интересирале и многу клубови од Островот.
Договорот на Велшанецот со Реал Мадрид истекува на крајот на јуни, а засега е само сигурно дека ќе го напушти овој клуб. Во сезоната 2021/22 одигра седум натпревари за Реал и постигна еден гол.
Excl: Gareth Bale’s agent Joshua Barnett has laughed off the rumours on Getafe move. “I don’t even have the president of Getafe’s number…”, told me. ⛔️🏴 #Bale pic.twitter.com/QKoPKtocXX
— Fabrizio Romano (@FabrizioRomano) June 8, 2022
