Фудбалерите на Манчестер Сити со победата против Лидс на четири кола пред крајот на Премиер лигата ја задржаа предноста од четири бода пред Арсенал, но Пеп Гвардиола не беше целосно задоволен. Беше лут…
Граѓаните со својот десетти последователен триумф се доближија до освојување на нова титула, а атмосферата на Шпанецот ја расипа Ерлинг Халанд, кој на крајот од натпреварот направи нешто што не му се допадна на Гвардиола.
Имено, Сити имаше удар од белата точка кога резултатот беше 2:0, а Норвежанецот му го препушти настапот на Илкај Гундоан, кој имаше можност да го комплетира хет-трикот. Гвардиола сакаше Халанд да го изведе пеналот, а дополнително се налути кога Германецот промаши.
Pep Guardiola on Erling Haaland giving his penalty to İlkay Gündoğan to go for a hat trick:
'The game is not over. It shows how nice and generous Erling is. If it is 4-0 with 10 minutes left, OK. But at 2-0?' pic.twitter.com/rm9rsFlfjz
— B/R Football (@brfootball) May 6, 2023
„Ако Гундоан дадеше гол, се ќе беше во ред. Хет трик, супер, одиме понатаму… Но, изведувач е изведувач. На 2:0 тоа е работа, особено во англиската лига. Не е ситуација да заборавиш кој ги изведува пеналите, не можеш“, рече Гвардиола и продолжи:
„Во Англија играта не е завршена на 2:0. Ако беше 4:0 и 10 минути до крајот, тогаш во ред. Сакав пеналот да го изведе играчот кој вообичаено го прави тоа. Тоа значи Халанд или Махрез. Сепак, и оваа ситуација покажува каква личност е Ерлинг. Сакаше да го израдува својот соиграч. Покажа дека му се многу важни. Го почитувам тој потег, но сепак требаше да го изведе пеналот бидејќи е специјалист за тоа“.
Манчестер Сити во следното коло гостува кај Евертон.
