Пандемијата на коронавирус предизвика голем хаос во скоро цела Европа и се уште најлошата состојба e во Италија.
Италија е фокусна точка на коронавирусот, а пред неколку дена сè беше блокирано во оваа земја. Спортските натпревари се прекинати и никој не знае дали тие ќе продолжат.
За време на хаосот на Апенините, на социјалните мрежи се појави и Златан Ибрахимовиќ, кој реши да направи нешто за да им помогне на оние кои имаат најмногу потреба, како што се болниците во Италија.
„Италија отсекогаш ми даваше многу и во овој драматичен момент сакам да и вратам уште повеќе на оваа земја што ја сакам. Одлучив, заедно со луѓето кои работат со мене, да направиме фонд за да соберам пари за болниците. Ја користам мојата популарност за ширење на оваа вест и на секој што може треба да помогне“, рече Ибра, додавајќи.
„Јас сметам на дарежливоста на моите колеги и на сите професионални спортисти кои можат да направат повеќе или помалку донации, се разбира колку што е во нивна можност да го избркаат овој вирус. Заедно, навистина можеме да им помогнеме на болниците и лекарите, и сестрите кои несебично работат секој ден за да ги спасат нашите животи. Ние денес навиваме за нив. Ајде да го бркаме коронавирусот заедно и да победиме на овој натпревар. И запомнете, ако вирусот не го нападне Златан, Златан ќе го нападне вирусот “.
In this dramatic moment for Italy, we created a fundraiser for Humanitas hospitals.I count on the generosity of my colleagues and of those who want to make even a small donation. Let’s together kick the CoronaVirus away and win this match! https://t.co/6o2cvUwEK6 pic.twitter.com/xhwECFFNTA
— Zlatan Ibrahimović (@Ibra_official) March 18, 2020
