Фудбалерите на Милан успеаја да се пласираат во осминафиналето на Лигата на шампионите откако пред своите гледачи со убедливи 4-0 го совладаа РБ Салцбург во последното 6. коло од групата Е.
На Австријците им беше потребна победа во Милано за да се пласираат во топ 16, но иако на италијанскиот шампион му беше доволно и нерешено, домаќинот сакаше да ги реши сите дилеми.
“e non andare in giro a parlare che io non gioco. non devi parlare! se non l’hai sentito da me non devi parlare!”
— Sαɾα🏴 (@bintYusuf___) November 3, 2022
Веќе во втората минута Тео Ернандез ја погоди стативата на гостите, додека одличниот Французин Оливие Жиру со глава во 14. минута го доведе Милан во водство. Натпреварот дефинитивно беше решен на почетокот на вториот дел кога Милан отиде на 3-0. Најпрвин Круниќ погоди во 46. минута (по асистенција на Жиру), а потоа Жиру повторно погоди во 57. минута за 3-0. Се беше заклучено со голот на Месијас во 91. минута.
Натпреварот од трибините го следеше легендарниот шведски напаѓач Златан Ибрахимовиќ, кој по натпреварот се сврте кон новинарот Алесандро Алсијато кој минатиот месец изјави дека ќе се пензионира доколку не биде во добра форма во декември.
“Што зборуваш? Не оди наоколу и не зборувај дека не играм. Не можеш да го кажеш тоа. Ако не си слушнал од мене, не можеш да зборуваш за тоа”, извикал Златан .
