Аргентинскиот напаѓач Мауро Икарди остана во Интер, иако имал неколку интересни понуди ова лето, но се чини дека може да ги пакува своите торби и во јануари да го напушти Интер.
Икарди беше цел на Реал Мадрид ова лето, но кралскиот клуб не беше подготвен да ја активира откупната клаузула од 110 милиони евра. Сепак, во италијанските медиуми имаше информации дека Аргентинецот може да го напушти Џузепе Меаца во јануари.
Очигледно, интересот за Икарди го покажаа лидерите на Манчестер Јунајтед, кои се подготвени да ја активираат клаузулата за да не мора да преговараат со Интер. Сепак, проблемот со Јунајтед е дека клаузулата може да се активира само во последните две недели од оваа сезона.
Но, на Олд Трафорд веќе размислува за следната сезона и јасно е дека тие не сакаат да ја пропуштат можноста за доведување на 25-годишниот напаѓач. Очигледно, Јунајтед веќе контактирал агентот на Икарди, неговата сопруга, Ванда, за да се обидат да се договорат за условите на договорот, а на крајот да остане само активирање на клаузулата за откуп.
Икарди играше 184 натпревари во дресот на Интер, постигна 107 гола и 24 асистенции.
