Напаѓачот на Лацио, Чиро Имобиле се чувствува горд што играше под водство на Јирген Клоп во Борусија Дортмунд и го опиша тренерот како тренер што не можете да се заборави.
Клоп го однесе Имобиле во Дортмунд во 2014 година, на местото на Роберт Левандовски, кој замина во Баерн Минхен, но италијанскиот напаѓач постигна само 10 гола на 34 натпревари и следната година замина во Севиља.
Ни во Севиља не успеа да се прослави, но ја оживеа својата кариера откако се приклучи на Лацио, постигнувајќи 103 гола во последните четири сезони во Серија А.
Но, Имобиле е разочаран што работите не одеа добро една година под наредба на тренерот на Борусија Дортмунд, сегашен на Ливерпул.
„Не можете да заборавите некој како Клоп. Имав среќа што играв под негови наредби. Тој е многу емотивен тренер, некој кој сака да се борите за секоја топка“, рече Имобиле.
На прашањето зошто не успеа во Дортмунд, Имобиле рече: „Мислам затоа што се приклучив на Дортмунд во несоодветно време, во однос на тимот“.
