Италијанскиот вицешампион Интер заврши одличен трансфер.
Во клубот пристигнува и ерменскиот фудбалер Хенрих Мхитарјан (33), кој ги договорил сите услови за преселба во Интер.
Искусниот 33-годишен Ерменец ја одби понудата на Рома за продолжување на соработката. Тој по три години минати во клубот реши да си замине и како слободен играч ќе ги засили Нероаѕурите.
Во неговиот случај пресудна беше желбата да игра во Лигата на шампионите. Рома не успеа да го обезбеди тоа преку шампионатот, додека Интер ќе ја претставува Италија во елитната класа на европскиот фудбал.
Henrikh Mkhitaryan’s set to join Inter on a free transfer, here we go soon. Mkhitaryan has decided to turn down AS Roma proposal to extend the contract. 🚨🇦🇲 #transfers
Inter were just waiting for the final green light – Mkhitaryan has just communicated that he will leave Roma. pic.twitter.com/qV1U2nvLSF
— Fabrizio Romano (@FabrizioRomano) June 3, 2022
Многу брзо ќе следи и официјална реализација на работата и Мхитарјан на крилните позиции ќе го замени Иван Перишиќ. Да потсетиме, Хрватот замина во Тотенхем.
Мхитарјан оваа сезона одигра 44 натпревари за Рома, постигнувајќи пет гола и девет асистенции. Вкупно за римскиот тим настапи 117 пати со 29 постигнати голови.
Во својата богата кариера, 33-годишниот напаѓач има настапувано за Арсенал, Манчестер Јунајтед, Борусија Дортмунд, Шактар Доњецк, Металург Доњецк и Пјуник каде ја започна својата кариера.
