Интер во последните часови од преодниот рок веројатно ќе го направи најчудниот трансфер ова лето.
Кога зимава пристигна во Интер, Робин Госенс требаше да биде долгорочно засилување. Поранешниот играч на Аталанта прво беше позајмен, а потоа купен за 15 милиони евра.
Сепак, на неговата авантура во миланскиот клуб се чини дека и дојде крајот по само една полусезона.
Познато е дека Интер мора да продаде некои играчи за да ги избалансира сметките, а како што стојат работите, Госенс ќе биде жртвуван.
Иако беше најавуван како долгогодишно засилување поради тешката финансиска ситуација и неможноста да ангажира уште некои играчи, Германецот ги напушта „нероаѕурите“.
Симоне Инзаги силно сака уште еден стопер. Изборот одамна падна на Франческо Ачерби, а таа работа може да се одблокира само со продажба на Госенс.
Така Интер ќе го продаде Госенс на Баер Леверкузен за 28 милиони евра, а на стоперската позиција ќе го доведе Ачерби и како замена за Германецот Борно Соса.
На многу навивачи на Интер можеби нема да им се допадне овој договор бидејќи Госенс е еден од најдобрите бекови во светот, но тешката финансиска состојба на Интер очигледно е главната причина за можеби најчудниот трансфер летово.
