Интер ќе комплетира два трансфери на крајот од преодниот рок, убедени се италијанските медиуми.
Во вторникот, челниците на Интер и тренерот Симоне Инзаги одржаа состанок на кој разговараа за засилувањата и беа повлечени конкретни потези.
Прв на Меаца пристигнува Робин Госенс од Аталанта. Германецот долго време е на одлично ниво на игри и сигурно ќе биде засилување.
Госенс пристигнува во Интер како замена за Иван Перишиќ, кој го напушта клубот на крајот од сезоната, бидејќи се уште нема договор за продолжување на соработката.
Аталанта ќе добие меѓу 25 и 27 милиони евра, а Госенс прво ќе биде позајмен во Интер, а миланскиот клуб ќе има обврска да го откупи во следните 18 месеци.
На Интер ќе му се придружи Фелипе Каиседо, напаѓачот познат како џокерот на Симоне Инзаги додека го водеше Лацио.
Каиседо во неколку наврати во последните минути постигна голови за римскиот тим во ерата на Инзаги и донесе важни бодови, особено во трката за Лигата на шампионите пред две сезони.
33-годишниот фудбалер моментално настапува за Џенова, а по извесното заминување на Стефано Сенси во Сампдорија и повредата на Хоакин Коре ќе ја засили конкуренцијата во нападаот.
