Екипата на Вардар во следниот период ќе даде уште двајца репрезентативци. Со денешното објавување на списокот на младата селекција, селекторот Благоја Милевски смета на играчите на „црвено-црните“ Бесар Исени и Петар Петковски за квалификацискиот натпревар против Австрија, кој што ќе се игра на 14 ноември во Скопје.
Петковски веќе неколку месеци е дел од репрезентацијата до 21 година, додека Бесар Исени дебитираше на минатиот натпревар.
Претходно во сениорската селекција на Македонија беа повикани Висар Муслиу, Дарко Велковски и Бобан Николов кои ќе настапат на пријателскиот дуел против Норвешка на 11 ноември на Националната Арена „Филип Втори“ во Скопје.
