Жозе Мурињо не е задоволен од играчите кои ги има на располагање во Рома и бара од челниците на клубот да доведат неколку засилувања во јануари.
Мурињо ја презеде клупата на римскиот клуб пред почетокот на оваа сезона и летото доби неколку звучни засилувања, но не е задоволен од тоа како се покажаа овие играчи.
„Кориере дело Спорт“ пишува дека Мурињо е задоволен само од голманот Руи Патрисио кој дојде од Вулверхемптон и покажа дека е големо засилување за голот на Рома.
Клубот сепак ги доведе Тами Абрахам, Елдор Шомуродов, Матиас Вин и Брајан Рејнолдс, но тие навистина не ги оправдаа очекувањата со португалскиот стручњак.
Затоа Мурињо од лидерот на Рома бара нови засилувања, а тој сака да доведе дури двајца играчи од Реал Мадрид.
На неговиот список со желби се и Начо Фернандез и Дани Себаљос, кои речиси и не играат за Карло Анчелоти во Реал Мадрид. Мурињо смета дека за Рома нема да биде проблем да ги доведе бидејќи практично се отпишани во кралскиот клуб.
Покрај тоа, се шпекулира дека на списокот со желби на Мурињо има уште неколку играчи, а тоа се Рубен Лофтус-Чик (Челзи), Хари Винкс (Тотенхем) и Денис Закарија (Борусија Дортмунд).
Ќе биде интересно да се види дали Рома ќе успее да доведе барем еден играч кој Мурињо го посакува во јануари.
