Хрватскиот фудбалер Иван Перишиќ (33) го напушта Интер, а кариерата треба да ја продолжи во англиската Премиер лига.
Одличниот 33-годишен крилен напаѓач наводно постигнал договор со тимот на Тотенхем и наскоро ќе потпише договор со лондонскиот клуб.
Договорот на Перишиќ со Интер истекуваше на крајот од оваа сезона. Како слободен играч можеше да преговара со други клубови и интересот за него беше огромен.
Со хрватскиот фудбалер преговараа Јувентус, Челзи и Тотенхем. На крајот се чини дека донесе одлука да им се приклучи на Спарс, каде повторно ќе соработува со Антонио Конте.
Хрватскиот репрезентативец со години се поврзува со заминување во ПЛ. Сепак, таму оди само на 33 години, но нема сомнеж дека се уште има што да покаже.
Зад него е уште една навистина одлична сезона меѓу Нероаѕурите. Тој го предводеше тимот до трофејот во Купот, а минатата сезона беше дел од тимот кој ја понесе титулата.
Перишиќ најдолго остана во Интер. Покрај една сезона помината во Баерн, тој помина шест години во клубот и одигра 254 натпревари и постигна 55 голови.
Хрватскиот фудбалер во својата богата кариера настапуваше за Хајдук, Сошо, Розелар, Клуб Бриж, Борусија Дортмунд, Волфсбург и Баерн.
