Тренерот на Реал Мадрид, Карло Анчелоти изјави дека Барселона не е директен ривал на неговиот тим во борбата за титулата.
Реал е на врвот на табелата во Ла Лига, Барселона е осма со 18 бодови помалку и се чини дека Каталонците полека се откажуваат од борбата за титулата, а искусниот италијански стручњак не ги гледа како едни од главните ривали во борбата за титулата.
„Барса како директен ривал за титулата? Не. Подолу се Севиља, Атлетико и Бетис, но се согласувам со Чави, Барселона има квалитет да се бори до крај. Да бев тренер на Барселона, би рекол Исто. Би било лудо сега да се предадеме“, рече Анчелоти.
Реал забележа 10 последователни победи во сите натпреварувања, а во тој период славеше и против екипи од врвот на табелата како Атлетико, Сосиедад или Севиља.
Реал Мадрид утре ќе се соочи со Кадиз, но Анчелоти ќе мора многу да промени бидејќи неколку играчи на кралскиот клуб се заразени со коронавирус и се во изолација.
„За жал, морам да живеам со тоа. Никогаш не сме размислувале за одложување на натпреварите. Повторно ќе имаме тим кој ќе може да се справи со товарот. Фудбалот и општеството мора да продолжат, но мора да бидеме внимателни и да ги преземеме сите неопходни мерки за да се заштитиме“ додаде Анчелоти.
Анчелоти рече дека се уште не знае кога ќе се врати играчот од средниот ред Лука Модриќ.
„Не тренираше, малку е уморен и имаше температура оваа недела, па нема да игра утре. Мораме да процениме што велат правилата, дали треба да чека 10 дена или може да тренира по негативен тест, тоа мора да го разјасниме“, истакна тој, откако Модриќ беше позитивен, а сега неговиот тест покажа негатива на вирус.
Италијанецот исто така истакна дека Еден Азар конечно ќе стартува, но истакна дека ќе игра бидејќи е квалитетен и затоа што добро работеше, а не затоа што му недостигаат многу играчи.
