Фудбалерите на Барселона победија како гости на Реал Сосиедад во натпреварот од 12. коло од шпанската лига со резултат 1:0 (0:0).
Барселона го постигна победничкиот гол во третата минута од судиското надополнување – исклучително Илкај Гундоган со „дијагонала“ го пронајде Роналд Араухо, а уругвајскиот репрезентативец беше немилосрден со глава по фантастичното налетување во шеснаесетникот.
Сосиедад подготви издание од кое нема да се срами ниту еден навивач на тој клуб. Реал создаваше шанси, беше подобар ривал и имаше иницијатива до последните десет минути, а потоа се случи нешто што го дели големиот од добриот. Барселона поведе откако го „окупираше“ противничкиот шеснаесетник, кога Гугдоган во стилот на неговите претходници од пред десет години во средниот ред на Барса испрати дијагонална топка до Арауха, кој втрча во вистинско време и ја затресе мрежата со со глава во третата минута од судиското надополнување.
Претходно, Марк-Андре Тер Штеген неколку пати го извлекуваше „зајакот од шеширот“ и на тој начин и овозможи на Барселона да го дочека финалето не само како изедначен, туку дури и со шанса за позитивен резултат. Пенал побара и Сосиедад во 67. минута кога Кунде ненамерно со тупаница закачи еден од ривалите, но ВАР рече дека нема фаул.
Педри и Араухо сериозно се заканија во 90. минута на неколку секунди разлика, но домашните потклекнаа дури подоцна во судиското надополнување.
