Познатиот шпански новинар Хосеп Педрерол беше меѓу првите кој пред неколку месеци објави дека Килијан Мбапе пристигнува во Реал Мадрид.
Тој често носи ексклузивци во своето шоу El Chiringuito, а пред неколку месеци објави дека Мбапе има договор со „кралевите“ и ќе пристигне во Мадрид. Сепак, иако постигна договор со шпанскиот шампион, Мбапе вчера одлучи да ја прифати понудата на ПСЖ, и потпиша нов договор до 2025-та.
Тоа го шокираше Педрерол и тој самиот се навреди во вчерашната емисија.
„Кога Мбапе вети, ви го соопштив тоа. Ве уверував дека ќе игра за Реал Мадрид“, изјави Педрерол, а потоа почна да се навредува.
„Јас сум будала. Јас сум глупав. Глупав сум затоа што им верувам на луѓето на збор. Ќе научам од ова“, изјави познатиот новинар.
"I'm a fool."
Josep Pedrerol reflects on his reports that claimed Kylian Mbappé was coming to Real Madrid. pic.twitter.com/XfvjGBJVqO— El Chiringuito in English (@ElChiringuitoEN) May 21, 2022
