Манчестер јунајтед, наводно, сала да го испрати Пол Погба во Интер ако за возврат го добие Лаутаро Мартинез.
„Мирор Спорт“ пишува дека Јунајтед е отворен за размена на играчи со Интер и е подготвен да се откаже од Погба доколку Интер го пушти одличниот напаѓач, Лаутаро.
На Погба не му пречи да работи со Антонио Конте, кој го тренираше во Јувентус, повторно и не му пречи да потпише за најжешкиот ривал на неговиот поранешен тим.
Погба е поврзан со преселба во Реал Мадрид, но во извештајот се вели дека тој повеќе би сакал да се врати во Италија и „Мирор“ открива дека Манчестер ќе се обиде да го вклучи големиот аргентински напаѓач во преговорите, кого го сака и Барселона.
Лаутаро постигна осум гола на 16 натпревари во Серија А оваа сезона и импресионираше во својата втора сезона на „Џузепе Меаца“.
22-годишниот играч пристигна во Интер од Расинг во летото 2018 година, кога за неговиот потпис платија 23 милиони евра.
Погба, од друга страна, не ужива во својата најдобра сезона и е далеку од неговата вистинска форма, но неговиот однос со Манчестер Јунајтед се влошува и се влошува, па станува се поизвесно дека ако не сега тогаш во текот на летото тој ќе го напушти „Олд Трафорд“.
