Приказната околу Челзи и Душан Влаховиќ повторно стана актуелна. Но, оваа трансфер операција нема да биде воопшто лесна, бидејќи во неа е вклучен и Ромелу Лукаку.
Охрабрувачка е веста дека Челзи се врати на преговарачка маса кога е Влаховиќ во прашање. Исто така, она што фаворизира позитивен исход е желбата на Јувентус да го доведе Ромелу Лукаку во замена за српскиот напаѓач.
Сепак, се чини дека следното барање на торинскиот гигант нема да им се допадне на луѓето на Стемфорд Бриџ. Старата дама е подготвена да го испрати својот стрелец во Лондон, но под услов за возврат да добие белгиски напаѓач. И тоа не е се, бараат 40 милиони евра!
Јувентус во јануари го плати Влаховиќ 85 милиони евра, додека Лукаку шест месеци претходно од Интер се пресели во Челзи за 113 милиони евра. Во тој период Влаховиќ постигна 23 гола на 63 натпревари за црно-белите од Торино во сите натпреварувања, додека Белгиецот постигна 29 гола на вкупно 81 натпревар во Челзи и на позајмица во Интер.
