Напаѓачот Един Џеко е повторно во центарот на вниманието бидејќи се повеќе се пишува за напуштање на Рома и продолжување на кариерата во Јувентус.
„Скај Спорт Италија“ синоќа објави дека во наредните денови конечно треба да се знае дали Џеко ќе го засили Јувентус. Андреа Пирло покажа желба да го донесе дијамантот во „Старата дама“, но јасно е дека ќе биде тешко затоа што Џеко и неговото семејство навистина немаат намера да го напуштат Рим.
Сепак, медиумите на Апенините пишуваат дека Џеко не е единствениот напаѓач што го сакаат и дека имаат алтернатива. Имено, ако бх. напаѓачот одбива да ја напушти Рома, тогаш „Старата дама“ ќе тргне по напаѓачот на Барселона.
Целта е Луис Суарез, кој летово речиси сигурно ќе ја напушти Барселона затоа што Роналд Куман повеќе не смета на него. Уругваецот најверојатно ќе го раскине договорот, а тоа многу му одговара на Јувентус, бидејќи во тој случај тој ќе биде слободен агент.
Лидерите на Старата дама внимателно ги следат ситуациите околу Џеко и Суарез, а во моментов приоритет е бх. напаѓачот. Иако Суарез би пристигнал како слободен агент, голем проблем е неговата голема плата затоа што тој бара дури 12 милиони евра по сезона.
Но, во наредните денови работите треба да бидат појасни, а дали Џеко или Суарез ќе го засилат Јувентус останува да видиме.
