Јувентус со седиште во Торино, наводно, е многу близу до комплетирање на уште еден трансфер ова лето.
Откако успеаја да го ангажираат Артур Мело од Барселона, кого го добија во замена за Миралем Пјаниќ, Јуве е многу блиску до доведување на полскиот напаѓач Аркадиуш Милик.
Италијанските медиуми тврдат дека Милик се согласил на трансферот во Јувентус. Тој веќе се согласи за сите услови, а засега Наполи сепак се спротивставува и бара 40 милиони евра за овој напаѓач.
Договорот на Милик со Наполи истекува следното лето. Ова е нивна последна шанса да го продадат 26-годишниот напаѓач, а покрај Јувентус, Тотенхем исто така покажува сериозен интерес за него.
Сепак, желбата на полскиот напаѓач е да се приклучи во редовите на Старата дама, а тоа секако може да се случи многу лесно.
Милик го носеше дресот на Наполи во претходните четири години. Тој пристигна од Ајакс за 32 милиони евра, а оваа сезона постигна 13 голови на 27 одиграни натпревари.
