Јувентус и Тотенхем направија две одлични работи во последниот ден од преодниот рок.
Имено, двајцата поранешни фудбалери на Јувентус од денеска се новите играчи на Тотенхем, а тоа се Дејан Кулушевски и Родриго Бентанкур.
Шведскиот фудбалер отиде на позајмица за пет милиони евра, но Спарс имаат обврска да го купат за 30 милиони евра на крајот од сезоната.
✍️ We are delighted to announce the signing of Dejan Kulusevski from Juventus, subject to international clearance and a work permit.
Welcome to Tottenham, Dejan! 🇸🇪
— Tottenham Hotspur (@SpursOfficial) January 31, 2022
Кулушевски оваа сезона одигра 27 натпревари за Јувентус и постигна два гола со три асистенции.
Кулушевски со Јувентус освои два трофеи и тоа Скудетото и Суперкупот на Италија. За шведската репрезентација одигра 20 натпревари и постигна еден гол.
Кога станува збор за Уругваецот, трансферот е реализиран за 19 милиони евра, додека шест милиони ќе и припаднат на Старата дама преку бонуси.
✍️ We are delighted to announce the signing of Rodrigo Bentancur from Juventus, subject to international clearance and a work permit.
Welcome to Spurs, Rodrigo! 🇺🇾
— Tottenham Hotspur (@SpursOfficial) January 31, 2022
Бентанкур оваа сезона одигра 26 натпревари за Јувентус и забележа три асистенции.
Да потсетиме, Бентанкур ја започна својата кариера во Бока Јуниорс од која дојде во Јувентус во летото 2017 година.
24-годишниот фудбалер беше трикратен шампион на Италија со Јувентус, а два пати го освои Купот и Суперкупот на оваа земја. Треба да се спомене и дека со Бока Јуниорс два пати го крена пехарот наменет за аргентинскиот шампион.
За репрезентацијата на Уругвај веќе има 45 настапи, а со селекцијата на оваа земја до 20 години го освои јужноамериканскиот шампионат.
